Линктер

logo-print
жекшемби, 04-декабрь, 2016 Бишкек убактысы 08:33

Атамбаев Кувейттин биринчи вице-премьерин Кыргызстанга чакырды


Алмазбек Атамбаев менен Сабах Халед Аль-Хамад Аль-Сабах

Алмазбек Атамбаев менен Сабах Халед Аль-Хамад Аль-Сабах

Президент Алмазбек Атамбаев бүгүн расмий сапарынын алкагында Кувейттин биринчи-вице-премьер-министри жана Тышкы иштер министри шейх Сабах Халед Аль-Хамад Аль-Сабах менен жолугушту. Ал бир эле убакта Араб экономикасын өнүктүрүү фондун жетектейт. Эки тарап Кыргызстан менен Кувейттин соода-экономикалык, маданий-гуманитардык, инвестициялык жана туризм тармагындагы кызматташтыгын талкуулады. Атамбаев кыргыз-кувейт кызматташтыгын активдештирүүгө үндөп, биринчи вице-премьерди Кыргызстанга чакырды.

Өз кезегинде Сабах Халед Аль-Хамад Аль-Сабах кыргыз-кувейт инвестициялык форумунун алгачкы жыйыны бизнес чөйрөсүндөгү кызматташууну кеңейтүүгө жакшы мүмкүнчүлүк түзөрүн белгиледи.

Сапар жыйынтыгы боюнча соода-экономикалык, маданий-гуманитардык байланышты бекемдөөгө багытталган эки тараптуу келишимдерге кол коюлат. Бул тууралуу президенттик аппараттын маалыматтык саясат бөлүмүнөн кабарлашты. (КЕ)

Азаттык Фейсбукта

пикирлерди көрсөт

XS
SM
MD
LG