Президенттин маалымат кызматынын кабарлоосуна караганда, президент Алмазбек Атамбаевдин Кувейт мамлекетине сапары 14-декабрда соңуна чыкты. Кыргызстан президентин узатуу салтанатына Кувейттин эмири Шейх Сабах Аль-Ахмад Аль-Жабер Аль-Сабах катышты. Алмазбек Атамбаевдин сапары андан ары Катар мамлекетине уланат.
Президент Алмазбек Атамбаев Кувейт жетекчилиги менен жолугушуудан сырткары кыргыз-кувейт инвестициялык форумуна катышты. Ал Кувейт ишкерлерин Кыргызстанга чакырып, аларга бардык шарттарды түзүүгө республика даяр экенин билдирди.(AiT)