Бүгүн Кытайдын Чжэнчжоу шаарында өтүп жаткан ШКУ уюмунун премьер-министрлеринин саммитинде талкууланып жаткан маселелердин бири - экономикалык кызматташтык, анын ичинде уюм алкагындагы транспорттук байланышты жакшыртуу. Кытай өкмөтүнүн башчысы Ли Кэцян өз сөзүндө бул багыт бардык өлкөлөр үчүн маанилүү экенин, кытай тарап Европа өлкөлөрүнө темир жол ачканын айтып, жаны жолдор курулуп, транспорттук байланыш жакшырса, мамлекеттин жашоосу оңолорун, байлыкка жетишерин, кытайлардын "Жолдор ачылса, байлыктын эшиги ачылат" деп байыркы накыл кебин мисал келтирип айтты.
Кэцяндын айтымында, Кытай өкмөтү бул багытта жалпы иштин эффективдүүлүгүн арттырууга даяр. (RK)
