Линктер

logo-print
жекшемби, 04-декабрь, 2016 Бишкек убактысы 12:38

Кыргыз өкмөтү Кытай менен визасыз режим киргизүүгө кызыкдар


Кытайдагы туристтер.

Кытайдагы туристтер.

Кыргызстан Кытай менен визасыз режимди киргизүү боюнча сүйлөшүүлөрдү жүргүзүп жатат. Бул тууралуу “Азаттыкка” Экономика министри Арзыбек Кожошев билдирди.

- Бүгүнкү күндө Кыргызстанга 60 мамлекеттин жарандары визасыз кирип чыгууда. Кытай мамлекети менен бул маселе боюнча азыр сүйлөшүүлөр жүрүп жатат. Бирок, өзүңөр билгендей, бул жерде анча-мынча коопсуздуктар бар. Бирок бул маселе да, кудай буйруса, келечекте чечиле турган маселе деп ойлойм,- деди Кожошев.​

Министр кошумчалагандай, визасыз каттам ишке кирсе Кытайдан Кыргызстанга жыл сайын миллионго жакын турист келиши мүмкүн.

Кыргызстан дүйнөнүн өнүккөн 45 өлкөсүнүн жарандары үчүн визасыз режимди 2011-жылы беш жылдык мөөнөт менен киргизген. Мындагы негизги максат өлкөгө туристтерди тартуу болгон. Бирок УКМК коопсуздук маселесинен улам визасыз режимди жоюу демилгесин көтөргөн(UEz)

Азаттык Фейсбукта

пикирлерди көрсөт

XS
SM
MD
LG