Линктер

жекшемби, 11-декабрь, 2016 Бишкек убактысы 20:32

Ысык-Көлдөн тобу менен Сирияга кетти делгендер изделүүдө


Cирия, 22-декабрь, 2015-жыл.

Cирия, 22-декабрь, 2015-жыл.

Ысык-Көл облусунун Тоң районуна караштуу Төрт-Көл айылынан 25 киши Сирияга кеткени болжолдонуп, милиция иликтөө иштерин жүргүзүүдө. Алардын көбү тууган-урук болуп, арасында жашы жетелек балдардан тарта 80ге таяган кемпир да бар экени айтылып жатат.

Бул боюнча облустук милициянын 10-башкармалыгынын жетекчиси Арсен Самаев “Азаттыкка” буларды билдирди:

-Алар алгач Орусияга иштегени кетип, андан ары Түркия аркылуу Сирияга кеткени тууралуу билдирүүлөр бар. Бирок чын эле ошол жактабы же жокпу - аныктала элек. Кызматкерлерибиз тактап жатат.

Айрым маалымат булактары бүгүн күч органдарына таянып, аталган айылдагы бир үй-бүлөдөн 25 киши Сирияга кеткени аныкталганын жазган. Самаев бул маалыматты четке какты.

Ысык-Көл облусунан Сирия жана Ирактагы динчилдерге кошулууга кеткен 40 киши аныкталган. Ал эми Кыргызстан боюнча расмий эсепте 500гө чамалайт. Кырктан ашууну ошол жакта каза болгону такталган. (SE)

Азаттык Фейсбукта

XS
SM
MD
LG