Австрия борбору Вена шаарынын полициясы Жаңы жыл майрамына чейин Европадагы баш калааларда экстремисттердин теракт жасоо аракети байкалганын билдирди. Полициянын билдирүүсүндө айтылгандай, мындай маалымат тыңчылык кызматтардан түшүп, теракт жасоого камынган айрым кишилердин аты-жөнү да такталган.
Вена полициясы жарандарга кайрылып, күчөтүлгөн коопсуздук чараларын түшүнүү менен кабыл алууну суранды жана Европа өлкөлөрүндөгү күч тармактарын да дыкат болууга чакырды. (SE)
