Линктер

logo-print
ишемби, 03-декабрь, 2016 Бишкек убактысы 06:30

Украина Орусиядан келчү бир катар товарларга чектөө киргизди


10-январдан тарта Украина Орусиядан келчү шоколад, сыра, айбанаттар жеми жана башка бир катар товарларга тыюу салды. Буга чейин Орусия Украина менен эркин соода жүгүртүү келишимин жокко чыгарып, украин азык-түлүгүнө эмбарго киргизген болчу.

Украинанын өкмөтү 2-январда өлкөгө киргизүүгө тыюу салына турган орусиялык азык-түлүктүн тизмесин бекиткен. Ага бардыгы болуп 43 азык-түлүк товары киргизилген. Анда малдын, канаттуулардын эттери, быштак, балык, арак жана тамеки сыяктуу Орусияда өндүрүлгөн азык-түлүк товарлары бар.

Буга чейин Украина Евробиримдик менен эркин соода жүгүртүү келишимине кошулгандыктан Орусия украин товарларына чектөө киргизген болчу. Эки ортодогу мамиленин кескин начарлашынан улам 2015-жылдын январь айынан бери соода жүгүртүү 63 пайызга төмөндөп кеткен.

Азаттык Фейсбукта

пикирлерди көрсөт

XS
SM
MD
LG