Линктер

жекшемби, 11-декабрь, 2016 Бишкек убактысы 19:52

Кумтөр кызматкери боюнча ишти ИИМ өзүнө алды


 Сүрөт Майкл Макфиттин соцтармактагы өздүк баракчасынан алынды.

Сүрөт Майкл Макфиттин соцтармактагы өздүк баракчасынан алынды.

“Кумтөр оперейтинг компани” ишканасынын кызматкери, Улуу Британия жараны Майкл Макфитке карата иш козголо элек. Бул тууралуу “Азаттыкка” Ысык-Көл облустук ички иштер башкармалыгынын башчысы Эмил Салиев кабарлады. Анын айтуусунда, Макфиттин айткандары боюнча документтер алгач Улуттук коопсуздук боюнча мамлекеттик комитетке өткөрүлүп берилген. Азыр бул ишти облустук милиция кароодо.

31-декабрда Кумтөр кенинде иштеген австралиялык адис Майкл Макфит жаңы жылдык кечеде түшкөн сүрөтүн интернетке жайгаштырып, дасторкондогу чучукту жылкынын жыныстык мүчөсүнө салыштырган. Бул жазуу социалдык түйүндө активдүү талкууланып, айрым жарандык коомдун өкүлдөрү кыргыз элин шылдыңдоо катары кабыл алышкан.

2-январда “Манас” аэропортунан кармалган Макфит "улуттук баалуулуктарды басмырлады" деген негизде Каракол шаардык прокуратурада сурак берип, кайра бошотулган. Учурда облустук милиция анын коопсуздугун камсыздоодо.

Учурда Макфиттин айткандары боюнча иш козгоо маселеси каралууда. Азырынча кайсы берене менен иш козголору маалымдала элек.

Соцтармакка жарыяланып кеткенден кийин Макфит жазган билдирүүсү үчүн кыргыз элинен кечирим сураган.(КЕ/AsM)

Азаттык Фейсбукта

пикирлерди көрсөт

XS
SM
MD
LG