Линктер

жекшемби, 11-декабрь, 2016 Бишкек убактысы 16:35

Өкмөт башчы “Көчмөндөр оюндарын” жакшы даярдоону тапшырды


Дүйнөлүк "Көчмөндөр оюндарынын" ачылыш аземинде көрсөтүлгөн "жалындуу чабандес".

Дүйнөлүк "Көчмөндөр оюндарынын" ачылыш аземинде көрсөтүлгөн "жалындуу чабандес".

Премьер-министр Темир Сариев бүткүл дүйнөлүк экинчи “Көчмөндөр оюндарын” өткөрүү үчүн даярдыкты күчөтүүнү Курулуш, архитектура, турак-жай жана коммуналдык чарба мамлекеттик агенттигине тапшырды. Өкмөт башчынын 4-январда берген тапшырмасына ылайык, жумуштар 15-августка чейин бүтүшү керек.

“Көчмөндөр оюндарынын” экинчиси быйыл күзүндө Ысык-Көл облусундагы Бактуу-Долоноту айылындагы ат майданда өтөт.

Ат майдан 10 миң көрөрманга ылайыкталат. Андан сырткары, 40 кишилик VIP-трибуна жана унаа токтоочу жай курулат. Бул үчүн тийиштүү каражат бюджеттен бөлүнөрүн өкмөттүн басма сөз кызматы “Азаттыкка” билдирди.

Биринчи “Көчмөндөр оюндары” 2014-жылы өтүп, 19 мамлекеттен 400дөн ашуун спортчу катышкан. Аны өткөрүү үчүн Чолпон-Атадагы ат майданы эки ай ичинде шашылыш оңдолган. Бирок ага бөлүнгөн каражатты пайдаланууда мыйзам бузуулар аныкталып, курулушту жүргүзгөн “Темир канат” ишканасына кылмыш иши козголгон. (SE)

Азаттык Фейсбукта

пикирлерди көрсөт

XS
SM
MD
LG