Кадамжай райондук Ички иштер бөлүмүндө иштеген милициянын капитаны Феруз Тургунбаев Ош шаардык сотунун имаратынын жанында сабалды. Ал тергөө учурунда шектүүгө кыйноо колдонгон деген кине менен сотко келген учурда ушундай жагдайга туш болгонун күч органдарынан “Азаттыкка” билдиришти.
Маалыматтарга караганда, Тургунбаев менен кошо алты кесиптешинин үстүнөн киши өлүмүнө шектелген жаранды тергеп жатканда кыйноо колдонгон деп кылмыш иши ачылган. Азырынча иликтөө аягына чыга элек. Окуяны милиция иликтеп жатат. (SE)
