Линктер

шейшемби, 6-декабрь, 2016 Бишкек убактысы 20:31

Арстанбапта милициянын тинтүүсүн токтотууну талап кылышты


Арстанбаптагы көчө жыйын. 5-январь, 2016-жыл.

Арстанбаптагы көчө жыйын. 5-январь, 2016-жыл.

Бүгүн арстанбаптыктар милициянын тинтүүсүн токтотуу талабы менен айыл борборуна чогулушту. Тынч митингге болжол менен 300-500гө жакын киши чыкканы айтылууда. Алар милициянын үйлөрдү эскертүүсүз тинтүүгө алып жатканына нааразы пикирлерин айтышты. Жыйынга айылдын имамы катышты. Ушундай эле талап менен 100дөй киши кечээ, 4-январда Базар-Коргон райондук акимчиликтин алдына чыгышкан. Чогулгандар район бийлигине кайрылып, милициянын бул аракетине укуктук баа берүүнү суранышкан.

30-31-декабрь күнү облустук ички иштер башкармалыгы, УКМК жана ИИМдин 10-башкармалыгы менен биргеликте диний экстремисттик уюмга шектүүлөрдүн үйүн тинтүүгө алып, Жалал-Абад шаарында, Сузак, Базар-Коргон жана Ноокен райондорунда атайын операция жүргүзгөн. Анын жыйынтыгында бир топ далил буюмдар табылып, теологиялык экспертиза дайындалганын облустук милициядан билдиришти.

ИИМ экстремизм, терроризмди алдын алуу максатында мындай иш-аракеттер Жалал-Абаддын башка айылдарында жана бардык облустарда өтөрүн билдирген. (RsK/КЕ)

Азаттык Фейсбукта

пикирлерди көрсөт

XS
SM
MD
LG