Бул тууралуу “Азаттыкка” Кыргызстандын Стамбулдагы консулдугунан кабарлашты. Маалыматка караганда, учурда жардырууда жабыркагандар жана каза болгондор арасында кыргызстандыктардын бар-жогун тактоо үчүн кызматкерлер полиция бөлүмүндө жүрөт. Расмий маалыматтар боюнча Стамбулда 1000ден ашуун кыргызстандык бар.
Стамбулдун чок ортосундагы Султан Ахмед мечитинде чоң жардыруу болду. Алдын ала маалыматтар боюнча, жардыруудан кеминде он адам каза тапты. Айрым булактардын маалымдашынча, бомбаны жанкечти жардырганы айтылууда. (КЕ)
