Борбордук шайлоо комиссиясы Бишкектин Биринчи Май райондук сотунун чечимине нааразы болуп, Жогорку Сотко кайрылды. БШКнын арызы бүгүн түштөн кийин катталганын "Азаттыкка" башкы сот органынын маалымат катчысы Айнура Токтошева билдирди.
11-январда БШК Жогорку Кеңештин "Кыргызстан" фракциясынын сунушунун негизинде депутаттар Элмира Жумалиева жана Чолпон Эсенаманованы мандатынан мөөнөтүнөн мурда ажыраткан. 15-январда Бишкектин Биринчи Май райондук соту Боршайкомдун бул чечимин мыйзамсыз деп чечим чыгарган. (RK)