Казакстандын фондулук биржасында бүгүн эртең менен теңгенин бир долларга чаккандагы баасы 372,58 болду. Бул казак улуттук банкы бүгүн койгон расмий курстан 12 теңгедей жогору. Алматынын акча алмаштыруу жайларында бүгүн бир доллар 375 теңгеге сатылып жатат. Бул Казакстан улуттук валютасын эркин кое берген былтыркы августтан берки эң төмөнкү чек.
Мунун себеби дүйнөлүк базарда мунай баасы улам арзандап жатышы менен байланыштырылууда.
