Дүйнөдөгү бардык православдар сыяктуу бүгүн Кыргызстанда да Ыйык Чокунуу майрамын белгилеп жатышат. Таң эрте Бишкекте жана Караколдо чиркөө кызматкерлери Кудайга сыйынып, каалоочуларды сууга түшүрүп, чокунтуу жөрөлгөсүн өткөрүштү.
Караколдо христиандар шаардын ортосунан агып өткөн Каракол сайына барып сууга жуунуп, андан соң көтөрүп барган идиштерине суу алышты. Ыйык Троицк чиркөөсүнүн башчысы Сергей Чувичкин бул майрамда православдарды майрамы менен куттуктап, суудай аруулукту,тазалыкты жалпы адамзатка тилеп өттү. (AsM)
