Орусиянын Красноярск шаарында кыргызстандык сүрөтчү жана мультипликатор Толгобек Койчумановдун эмгектери коюлган жеке көргөзмө өттү. "Замандаш" ассоциациясынан бүгүн кабарлашкандай, ага 2 миңдей көрүүчү келди. 15-январда болуп өткөн экспозицияга негизинен май боек менен тартылган сүрөттөр коюлду.
Толгобек Койчуманов сүрөтчү гана эмес, бир катар тасманын көркөм коюучусу катары да белгилүү. 2014-жылы ал толук метраждуу «Аку» деп аталган анимациялык фильмин жараткан.
Көргөзмөнү Сибир федералдык университети уюштурду. (RK)
