Линктер

жекшемби, 11-декабрь, 2016 Бишкек убактысы 18:30

Өзгөндө мушташтан кийинки өлүм боюнча иш козголо элек


Ош облусунун Өзгөн районунда мушташка катышкандан кийин бир апта соң өлүмгө учураган жаран боюнча кылмыш иш козголо элек. Бул тууралуу бүгүн "Азаттыкка" анын жакындары кабарлашты.

Алардын айтымында, эки апта мурда Бишкек-Ош унаа жолунун Өзгөн тараптагы Шералы участогунда 22-23 жаштагы балдар жол талашып мушташа кеткен. Бир жумадан кийин окуянын катышуучуларынын биринин, Дөң-Булак айылынын тургунунун моюнунан асынган сөөгү өз үйүнөн табылган. Бирок ата-энеси аны бирөөлөр өлтүрүп, сөөгүн асып кеткенин айтууда. Себеби, алардын белгилешинче, баланын моюнунда эки из калган.

Учурда соттук-медициналык экспертиза жүрүп жатат. Мерт болгон баланын жакындарынын айтымында, милиция кылмыш иш козгоо маселеси экспертизанын жыйынтыгына жараша чечилерин билдирген. (YI)

Азаттык Фейсбукта

XS
SM
MD
LG