Линктер

дүйшөмбү, 1-май, 2017 Бишкек убактысы 08:39

Тажикстанда 24-январда таң эрте коопсуздук чаралары күчөтүлдү. “Азаттыктын” тажик кызматы кабарлагандай, дээрлик бардык район-шаарларда күч кызматкерлери тизилип, коопсуздукка өзгөчө көңүл бурулууда. Мамлекеттик мекемелер жайгашкан имараттардын сыртында, эл көп чогулган жерлерде тартип сакчылары жайнап кеткен. Айрым жерлерге кошумча көзөмөл пункттары ачылды.

Ишембиден жекшембиге караган түнү бардык күч органдарына коопсуздукка байланыштуу тийиштүү тапшырма берилгени айтылууда. Бирок анын себептери маалымдала элек. Милиция кызматкерлери муну кезектеги пландалган даярдык иш-чараларынын бири экенин билдирүүдө. Ал эми жогорку расмий адамдар эч кандай билдирүү тарата элек.

Тажикстанда акыркы ирет коопсуздук чараларын күтүүсүздөн күчөтүү былтыр сентябрда Дүйшөмбү жана Вахдат шаарларындагы тартип коргоо мекемелерине куралдуу кол салуу жасалган учурда болгон. (SE)

Сиздин пикир

пикирлерди көрсөт

Азаттык Фейсбукта

XS
SM
MD
LG