Линктер

жума, 9-декабрь, 2016 Бишкек убактысы 04:44

Сирия: Хомстогу кош жардыруудан 20дан ашуун адам жайран болду


Сириянын өкмөттүк күчтөрүнүн көзөмөлүндөгү Хомс шаарындагы бүгүнкү кош жардыруудан 22 адам мерт болуп, жүздөн ашуун киши жаракат алганын өлкөнүн мамлекеттик телеканалы кабарлады. Хомстун губернатору алгач көзөмөл-өткөрүү бекетине багытталган мина коюлган машине жардырылганын, ага удаа эле жанкечти-террорчу өзүн жардырганын билдирди.

"Аль-Майдан" телеканалы көрсөткөн кадрлардан жардыруу болгон жерге жакын дүкөндөр, үйлөр катуу жабыркаганын көрүүгө болот.

Хомс Сириядагы үчүнчү ири шаар. Жарандык согушка алып келген бийликке каршы толкундоолор алгач ушул шаардан чыгып, 2012-жылы өкмөттүк күчтөр козголоңчуларды кууп чыгуу менен көзөмөлдү колго алган.

Азаттык Фейсбукта

пикирлерди көрсөт

XS
SM
MD
LG