Ооганстандагы памир кыргыздарына көмөктөшүү максатында бүгүн Бишкек шаарында ыктыярдуу акция өтөт. “Элден элге” фонду уюштуруп жаткан бул иш-чарага каалаган адам памирлик замандаштарга атаган буюмун алып келсе болот. Фонддон кабарлашкандай, акция “Бишкек-Парк” комплексинде уюштурулат жана топтолгон гуманитардык жардамдар 10-февралда Памирге жөнөтүлчү мамлекеттик экспедиция менен жеткирилет.
Расмий маалыматтар боюнча Памирде 1400 кыргыз бар. Өкмөт быйыл алардын айрымдарын Чоң-Алай районуна көчүрүп келүү аракетин көрүүдө. (SE)
