6-февраль күнү жыйырмага чукул киши Чехиянын борбору Прагадагы качкындар борборуна кол салды. Шаардын Жижков районундагы Клинка аттуу качкындар борборуна Молотов коктейли ыргытылып, бул окуядан кеминде бир киши жаракат алды деп кабарлайт шаар башкармалыгы.
Аталган жайда иштеген активисттердин айтымында, кол салгандар неонацисттер болушкан.
Германиянын исламга каршы ПЕГИДА кыймылы 6-февралда Европанын бир катар шаарларында жүрүштөргө чыккан. (BCh)
