Дүйнөлүк аренага чыгып жүргөн германиялык опера ырчылары 11-февралда Бишкекте концерт коюшат. “Классикалык операнын шедеври” деген аталыштагы концерт Абдылас Малдыбаев атындагы опера жана балет театрында өтөт. Бул тууралуу мэриянын басма сөз кызматы кабарлады.
Маалыматка караганда, концертке чет элдик жана жергиликтүү маданият өкүлдөрү Майкл Рольф Кук (дирижер), Гэрри Давислим (Тенор), Жамила Раимбекова (сопрано), Заира Раимбекова (сопрано) жана Саян Исин (тенор) катышат. Алар Жузеппе Верди, Жакомо Пуччини, Жорж Бизе, Пьетро Москаньи жана Жокано Россининин классикалык чыгармаларын аткарышат.
