Линктер

logo-print
жекшемби, 04-декабрь, 2016 Бишкек убактысы 22:18

Бала бакчанын ачылышына тестиерлердин тартылышы текшерилет


Бала бакчанын ачылыш аземи.

Бала бакчанын ачылыш аземи.

Премьер-министр Темир Сариев Ош облусунун Алай районундагы балдар бакчасынын ачылыш аземине жука кийинген балдардын тышта туруп катышкандыгына байланыштуу фактыны текшерүүнү тапшырды.

- Мен мамлекеттик маанидеги жана балдардын майрамдарынан тышкаркы учурда, жаш балдарды кандайдыр-бир иш-чараларга тартуу тажрыйбасын токтотуу тууралуу бир нече ирет билдиргем. Мындан тышкары, Билим берүү жана илим министрлиги тараптан балдарды жана мектеп окуучуларын расмий иш-чараларга пайдаланууга тыюу салуучу буйрук чыгарылган, - деп билдирди премьер-министр.

Өкмөт башчы вице-премьер-министр Гульмира Кудайбердиевага кыш чилдеде балдарды тышта тургузууга мажбурлаган аткаминерлерге карата тийиштүү чараларды көрүү жана мындан ары мындай окуяларды болтурбоо тапшырмасын берди.

11-февралда Ош облусунун Алай районундагы Жаңы-Алай айыл аймагынын Жаңы-Арык айылында балдар бакчасын ачуу аземи өткөн. Анда кышкы суукта жеткинчектер жука, ал эми аткаминерлер жылуу кийимчен турушкан. Жаңы-Арык айыл аймагынын башчысы Абдувап Исмаилов балдарды ырдатып-бийлетүү демилгесин ата-энелер өздөрү көтөргөнүн “Азаттыкка” билдирди.

Кыргызстанда мамлекеттик иш-чараларга мектеп окуучуларын тартууга тыюу салынган, буга чейин ысыкта көпкө турган өспүрүмдүн өзүн жоготуп жыгылган учуру катталган. (КЕ/YI)

Азаттык Фейсбукта

пикирлерди көрсөт

XS
SM
MD
LG