Линктер

logo-print
дүйшөмбү, 05-декабрь, 2016 Бишкек убактысы 16:45

Футзал: Азия чемпиондугунда Кыргызстан чейрек финалда ойнойт


Кыргызстан менен Өзбекстандын футзалчылары. Архивдеги сүрөт.

Кыргызстан менен Өзбекстандын футзалчылары. Архивдеги сүрөт.

Футзал боюнча ушул күндөрү Ташкенде өтүп жаткан Азия чемпиондугунда Кыргызстан чейрек финалга чыкты. 14-февралда Кыргызстандын улуттук курама командасы Сауд Арабияны 3:2 эсебинде утуп алды.

Бул күнү тайпалык беттештерде Кыргызстандын атаандаштары - Өзбекстан менен Ливан командалары да ойноп, 2:0 эсебинде өзбек футзалчылары жеңишке жетишти.

3 турдагы беттештерден кийин Өзбекстан 9 упай менен биринчи, Кыргызстан 4 упай топтоп экинчи орунда кийинки айлампага чыгышты.

Эми чейрек финалда Кыргызстан менен Иран командалары беттешет.

Азия чемпиондугунун тайпалык мелдештеринде 16 өлкөнүн улуттук курама командалары төрт тайпага бөлүнүп ойношту. Ар бир тайпада алдыңкы эки орунга ээ болгондор 1/4 финалда беттешет.

Футзал боюнча Азия чемпиондугунун оюндары 21-февралга чейин уланат. Анда эң мыкты деп табылган беш команда сентябрда Колумбияда өтө турган дүйнө чемпиондугуна барат. (ECh)

Азаттык Фейсбукта

пикирлерди көрсөт

XS
SM
MD
LG