Орусиянын Каржы министрлиги Киевди 3 миллиард доллар карызы үчүн айыптап, Лондондун Жогорку Сотуна кайрылды. Бул тууралуу Орусиянын каржы министри Антон Силуанов билдирди. Орусия 2013-жылы чыгарылган 3 миллиард долларга барабар украиналык евро облигациялардын бардыгын сатып алган.
Силуанов белгилегендей, Киев карызынан 2015-жылдын 21-декабрында толук кутулушу керек, ал эми 31-декабрда берилген кошумча мөөнөт да аягына чыккан. Министрдин айтымында, Украина азырынча өз ыктыяры менен карызды кайтарууга даяр эмес.
17-декабрда Эл аралык валюта корунун директорлор кеңеши евробонддор боюнча Украинанын Орусияга болгон карызын расмий түрдө тааныган.
