Линктер

шаршемби, 7-декабрь, 2016 Бишкек убактысы 17:08

Базар-Коргондо ата-эне окуучу кызын уруп өлтүрдү деп шектелген жакын тууганын жоопко тартууга каршы чыкты. Алар милицияга тосмо арыз менен кайрылган.

Бирок Соттук-медициналык экспертизанын жыйынтыгында кыздын өлүмүнө жүрөк кемтиги эмес, башынан алган жараат себеп болгону аныкталгандыктан тергөө аны жазага тартуу керек деген чечим чыгарган.

"Азаттыкка" Жалал-Абад облустук милициясынан кабарлашкандай, кылмышка шектүү 46 жаштагы аялга (набыт болгон наристенин таежеси) Кылмыш кодексинин 97-беренеси боюнча айыбы угузулду. Иш сотко өткөрүлүп берилди.

Биринчи класска жаңы гана барган Тахмина Кенжебаева былтыр декабрь айында ур-токмокко кабылып, ооруканага түшкөн. Ал таежесинин колунда жашап жаткан. Атасы мигрант болуп кеткен. Үй-бүлөдө 4 бала бар болчу. (RsK)

Азаттык Фейсбукта

пикирлерди көрсөт

XS
SM
MD
LG