Линктер

logo-print
жекшемби, 04-декабрь, 2016 Бишкек убактысы 08:14

Москва Арменияга курал-жарак сатып алууга насыя берет


Москва Армения Орусиядан курал-жарак сатып алуусу үчүн 200 миллион доллар өлчөмүндө насыя берери бүгүн кабарланды. Орусиянын укуктук-маалымат сайтындагы кабарга караганда, экспорттук насыя он жылдык мөөнөткө берилет. Ага Армения "Смерч" реактивдүү системасын, "Игла-С" зениттик-ракеталык комплексин, чопкутталган аскер машинелерин жана башка курал-жарактарды сатып алышы керек. Келишим талаптарына жараша, Армения сатып алчу курал-жарак наркынын он процентин төлөөгө тийиш, калганы насыя эсебинен жабылат.

Орусия Армения үчүн курал-жарак саткан негизги мамлекет. Өлкөнүн Гюмри шаарына жакын базада Орусиянын үч миңге жакын аскери жайгашкан. Орусия андан тыш Армениянын Түркия менен чек арасына жакын жердеги Эребуни аба базасын да колдонот.

Азаттык Фейсбукта

XS
SM
MD
LG