Парламенттеги оппозициялык “Бир бол” жана “Республика Ата-Журт” фракциялары Судьяларын тандоо кеңешине бир бош орунга талапкерликке сунуштарды кабыл ала баштады.
Мыйзамга ылайык талапкер Кыргызстандын гана жараны болууга, кайсы бир партияда турбоого, соттуулугу, анын ичинде алып салынган же жоюлган соттуулугу жок болууга тийиш.
Жогорку Кеңештин маалымат кызматы билдиргендей, жарандык коомдон 30 жаш курагына жеткен, мамлекеттик же муниципалдык кызматта турбаган адам кеңештин мүчөсү боло алат. (SDz)
