Литва бийлиги Жалпы орусиялык мамлекеттик телерадио компаниясында (ВГТРК) иштеген журналисттерди кара тизмеге кошуп, өлкөдөн чыгып кетүүсүн суранды. Бул тууралуу “Азаттыктын” орус кызматы РБК каналына таянып кабарлады.
Литванын атайын кызматы орус журналисттери улуттук коопсуздукка шек жараткан телебаяндарды тартып атканын белгилейт. Мурдараак “Россия 24” каналы Литва бийлиги орус журналисттерин “кууп” жатканын маалымдаган эле.
