Москвада 11-мартта өткөн КВНдин Жогорку лигасындагы оюндарда Кыргызстандын «Азия MIX» тобу жеңишке жетти. Оюндардын расмий сайты кабарлагандай, аталган топ чейрек финалга өттү. 1/8 финалдык бөлүгүндө кыргызстандыктар менен бирге Физтех курама командасы, Москва, «Уфа», «Русская дорога» топтору таймашты.
Жыйынтыгында «Азия MIX» көп упай топтоп, чейрек финалга чыкты. Калыстар тобунун мүчөсү Михаил Галустян кыргызстандыктардын жеңип чыгышы күтүлгөнүн айтты. Юлий Гусман болсо, көптөн бери мындай тамаша көрө электигин моюнга алды. (NT)
