Бельгиянын баш калаасында болгон жардырууларда алдын ала маалыматтар боюнча кыргызстандыктар жабыркаган жок. Бул тууралуу “Азаттык” радиосуна Брюсселдеги Кыргызстандын элчилигинин консулу Руслан Бекболотов билдирди.
Брюсселдеги Завентем аэропортунда жана Мэлбек метро станциясында 22-март күнү эртең менен болгон жардыруулардан отуздан ашуун адам адам каза тапты. Эки жүздөй киши жараат алып, ооруканага түштү.
Расмий маалыматтарга караганда Бельгияда 700дүн тегерегинде кыргызстандыктар жашайт.
