Ал Орусиянын жетекчилиги менен Сирия жана Украинада тынчтык орнотуу боюнча сүйлөшүү өткөрөт. Керри ошондой эле бүгүн Москвада Германиянын тышкы иштер министри Франк-Вальтер Штайнмаер менен да жолугат.
АКШнын мамлекеттик катчысы 24-мартта орус президенти Владимир Путин жана тышкы иштер министри Сергей Лавров менен жолугат. Анда Сирия президенти Башар Асадды бийликтен четтетүү, Украина жаңжалын жөнгө салуу жана Надежда Савченкого байланыштуу маселелер талкууланат. АКШ Орусияда 22 жылга кесилген украиналык учкуч Савченкону бошотуу талабын коюп келатат. (AiT)
