Чүйдүн милициясы Ысык-Атада үч аялдын өлүгү табылган окуя боюнча кылмышты иликтей баштады. Облустук ички иштер башкармалыгынын маалымат катчысы Нурбек Токтосуновдун айтымында, 64, 54 жана 24 жаштагы орус улутундагы үч аялдын сөөгү бүгүн эртең менен табылган. 24 жаштагы келиндин боюнда бар экени аныкталды:
- Маалымат жергиликтүү тургундардан келип түшкөн. Кылмыш кодексинин 97-беренесинин (адам өлтүрүү) негизинде кылмыш иш козголду.
Токтосуновдун белгилешинче, үчөө тең күч колдонуунун натыйжасында өлгөнү маалым болду. (RK)
