Линктер

жума, 9-декабрь, 2016 Бишкек убактысы 09:52

Түркмөнстан: көмүскө базарда доллар расмий курстан 60% жогорулады


Түркмөнстандагы баалар доллардын расмий эмес кунуна түздөн-түз байланыштуу. Акыркы күндөрү анын кара рыноктогу наркы өтө тездик менен өсүп, өлкөдөгү расмий баадан орточо эсеп менен 60 пайызга жогорулап кетти.

«Азыркы тапта турак жай, унаа жана башка кыймылсыз мүлктү сатуу-сатып алуу, ошондой эле жеке ишкердик чөйрөсүндөгү соода доллар менен жүргүзүлүп, мындан улам доллардын куну көтөрүлгөн сайын баалар да кымбаттоодо”, - деп билдирди “Азаттыктын” Түркмөнстандагы баяндамачысы Аманмурад Бугаев.

Ал маалымдагандай, соода-сатык документтеринде төлөм манат аркылуу жүргүзүлдү деп көрсөтүшүп, бирок доллар менен эсептешип жатышат. Түркмөнстанда чет өлкөлүк валюта менен эсептешүүгө тыюу салынган.

Түркмөн манатынын расмий куну 2015-жылдын январынан тартып өзгөрбөй, 1 АКШ доллары 3.50 манатты түзүп келет. Бирок Түркмөнстандын Борбордук банкынын 2016-жылдын 12-январындагы чечими менен калкка чет өлкөлүк валютаны сатууга тыюу салынган.

Азаттык Фейсбукта

XS
SM
MD
LG