Бишкек – Нарын – Торугарт автожолуна кулап түшкөн таш бүгүн түшкө чейин тазаланат. Бул тууралуу Өзгөчө кырдаалдар министрлигинин маалымат катчысы Абдышарип Бекилов “Азаттыкка” билдирди. Анын айтымында, учурда 3 техника жана 8 жумушчу жолду тазалап жатышат.
4-апрелде саат 00:10дордо Нарын – Торугарт трассасынын 312-чакырымына көлөмү 700 чарчы куб шагыл кулап, жолду бөгөп калган. Буга жер титирөө себеп болгон. 4-апрелде саат 00:08 чамасында Нарын облусунда күчү 3,5 баллга жеткен жер титирөө катталган. (UEz)
