Социалдык маселелер боюнча вице-премьер-министр Гүлмира Кудайбердиева “Тумар” тобунун бийчиси Адина Самыйбек кызына өкмөттүн атынан 100 миң сом берди.
Кудайбердиева Адинага берилген каражат Астанада өтө турган майыптар арабасындагы бий боюнча сынакка катышуусу үчүн өкмөттүн колдоосу экенин белгиледи.
Адина Самыйбек кызы Орусиянын "Минута славы" конкурсунда жеңүүчү аталган. Ал майып экендигине карабай бир топ эл аралык конкурстарга катышып келет. Адина Самыйбек кызы 2015-жылы Астанада өткөн спорт бийи боюнча сынактын Single free style номинациясында 2-орунду багынткан. (UEz)
