Кыргыз өкмөтү бир жылдык отчетун Жогорку Кеңештин кароосуна жөнөттү. Бул тууралуу өкмөт башчынын маалымат катчысы Бакыт Асанов “Азаттыкка” билдирди. Анын айтымында, жылдык баяндама кечээ өкмөттө талкууланып, бир добуштан жактырылган.
Парламентте өкмөттүн отчету май айынын башында каралары күтүлүүдө. Жогорку Кеңеш Темир Сариев баштаган өкмөт курамын 2015-жылдын 5-ноябрында бекиткен.(UEz)
