Бүгүн, 7-апрелде Бишкек шаарындагы Ак-Өргө жаңы конушунда Апрель баатыры Алымбек Аракеевдин жаркын элесине арналган волейбол боюнча турнир өткөрүлдү. Турнирди Ош облусунун Кара-Кулжа районундагы Алайкуу өрөөнүнүн тургундары уюштуруп, ага Бишкекте жашаган алайкуулуктар катышты. Иш-чаранын башталышында Алымбектин жаркын элесине арнап, куран түшүрүштү. Иш-чарага бир катар саясий ишмерлер да катышты.
2010-жылы 7-апрелде 27 жаштагы Алымбек Аракеев өзүнүн курбалдаштары менен бирге Ак үйдүн алдындагы каршылык акциясында жарадар болгон адамдарды куткаруу учурунда ага да ок жаңылып көз жумган. (KJ)