Президенттик аппараттын мурдагы жетекчиси Данияр Нарынбаев менен экс-депутат Хаджимурат Коркмазовдун ишин кароо 8-апрелде Бишкек шаардык сотунда уланууда. Нарынбаев ишти карап жаткан соттордун бири Кымбат Архарова аялы Динара Сүймалиева менен жогорку окуу жайда беш жыл чогуу окуганын жана башка жүйөлөрдү келтирип, аны чакыртып алууну соттук коллегиядан өтүндү.
Коркмазов менен Нарынбаев Бишкек шаарынын мурунку мэри Нариман Түлеевдин соттук ишин жеңилдетүү максатында пара алган деп айыпталууда. Биринчи Май райондук соту алардын үй мүлкүн мамлекетке алуу менен үч жылдан эркинен ажыратуу өкүмүн чыгарган.(UEz)
