Кечээтен тарта Кыргызстандын бардык аймактарында АИ-80, АИ-92 маркасындагы бензин жана дизель майы 1 сомго кымбаттады. Ал эми АИ-95 бензинин бир литринин баасы 50 тыйынга жогорулады.
Кыргызстандын нефтетрейдерлер ассоциациясынын маалыматына караганда, кара майдын кымбаттоосу Орусиядагы мунай иштетүүчү заводдордогу дүң баанын жогорулашына байланыштуу болууда.
Соңку бир ай ичинде бул өлкөдө өндүрүлүүчү бензин жана башка мунай продукциясы дээрлик 10-15% көтөрүлгөн. (RK)
