Жогорку Кеңеште төрага шайлоо маселеси каралып жатат. Ушу тапта өз программасы менен талапкер, "Кыргызстан" фракциясынын лидери Канат Исаев тааныштырууда.
Ал 2013-жылы кабыл алынган Жогорку Кеңешти өнүктүрүү стратегиясын ишке ашырууну улантуу, парламенттик аппараттын ишинин сапатын, заманбап технологиялык базасын бекемдөө, бийликтин башка бутактары, коомчулук менен байланышты, кызматташтыкты жакшыртуу, мыйзам долбоорлорунун сапатын өркүндөтүү, реформаларды улантуу тууралуу айтты.
Ошону менен катар Исаев спикерликке шайланса да, шайланбаса да парламенттин ишин жакшыртуу багытында аракетин уланта берерин кошумчалады. (RK)
