Линктер

ишемби, 10-декабрь, 2016 Бишкек убактысы 07:22

Тендер боюнча депутаттык комиссиянын корутундусу кийинки жумада жарыяланат


Жол курулуш.

Жол курулуш.

Парламенттин 21-апрелдеги жалпы жыйынында Транспорт жана байланыш министрлиги өткөргөн тендерлерди иликтеген депутаттык комиссиянын жыйынтыгын угуу кийинки аптага калтырылды. Буга өкмөт мүчөлөрүнүн келбей калышы себеп болду.

“Балыкчы - Чолпон-Ата - Корумду” жана Бишкектен “Манас” эл аралык аэропортуна кетчү жолду оңдоо, малды идентификациялоо үчүн техникалык жабдууларды сатып алуу боюнча жарыяланган тендерлердин мыйзамдуулугун териштирген комиссия былтыр декабрдын башында түзүлгөн.

Иликтөөнүн жүрүшүндө “Балыкчы-Корумду” жолун оңдоо боюнча тендерде лицензиясы жок кытайлык LongHai компаниясы жеңүүчү болгону ачыкка чыгып, мурдагы транспорт жана байланыш министри Аргынбек Малабаев бул ишке экс-премьер-министр Темир Сариевдин катышы бардыгын билдирген. Сариев бул айтылгандарды четке кагып, жыйынтыгында отставкага кетүүгө аргасыз болду. (NT)

Азаттык Фейсбукта

XS
SM
MD
LG