Кыргызстанда аарычылык боюнча жаңы долбоор ишке ашырыла баштады. “АгроЛид” коомдук бирикмесинен кабарлашкандай, Кара-Кулжада аарычылыкты өнүктүрүү, асыл тукум чарбасын түзүү максатында буфердик аймак ачылды. Сары-Бээ жана Ой-Тал капчыгайларында ачылган буфердик зона долбоору БУУнун Өнүктүрүү программасынын колдоосу менен ишке ашырылууда.
Бал чарбасын жүргүзүп келаткан жергиликтүү тургун Эмил Сыдыковдун “Азаттыкка” айтымында:
- Буфердик зонанын өзгөчөлүгү - Кыргызстанда тукуму жоголуп бараткан аарылардын гени тазаланууда. Оорулардан арылууда. Карпат деген породадагы аарылардан башкаларга кирүү мүмкүнчүлүгү болбойт.
Долбоордун максаты - сапаттуу бал продукциясын өндүрүү жана анын ички, тышкы рынокко чыгуусун камсыз кылуу.
Адистердин айтымында, популяциянын начарлашы соңку кезде балдын сапатынын төмөндөшүнө алып келүүдө. (RK)
