Линктер

logo-print
жекшемби, 04-декабрь, 2016 Бишкек убактысы 18:19

"Ата-Мекен" спикерликке Чыныбай Турсунбековду колдойт


Жогорку Кеңештеги "Ата-Мекен" фракциясы төрагалык кызматка Чыныбай Турсунбековдун талапкерлигин колдойт. Фракция кечээ жыйын куруп, ушундай чечимге келгенин бүгүн "Азаттыкка" депутат Алмамбет Шыкмаматов билдирди:

- Биз, фракция, кечээ чогулуп, бир добуштан Чыныбай Турсунбековду колдоо чечимин кабыл алдык. Эгер КСДП аны талапкер кылып көрсөтсө биз аны колдойбуз.

Буга чейин Турсунбековду колдоорун "Республика Ата-Журт" фракциясы да билдирип чыккан.

13-апрелде Асылбек Жээнбеков агасы Сооронбай Жээнбеков премьерликке келгенине байланыштуу ЖК төрагасынын кызматын тапшырып бергенден бери бул орун бош турат.

20-апрелде көрсөтүлгөн "Кыргызстан" фракциясынын лидери Канат Исаев менен "Өнүгүү-Прогресстин" башчысы Бакыт Төрөбаевдин алган добуштары тең чыгып калып, жаңы талапкер алып чыгуу чечими кабыл алынган. (RK)

Азаттык Фейсбукта

пикирлерди көрсөт

XS
SM
MD
LG