Линктер

ишемби, 10-декабрь, 2016 Бишкек убактысы 11:44

Бангладеште университеттин профессору мууздалды


Жергиликтүү университеттин 58 жаштагы профессору Резаул Сиддикка жумушка баруу үчүн аялдамада автобус күтүп турган учурунда белгисиз бирөөлөр кол салышкан. Сиддик окуу жайда англис тилинен мугалим экени айтылууда. Полиция Франс-пресске билдиргени боюнча профессордун моюну кеминде үч жеринен кесилген.

Резаул Сиддик бир катар маданий иш-чараларды уюштуруп жүргөн жана музыкалык мектеп ачкан. Ал ошондой эле ыр, аңгеме жазып, жергиликтүү адабий журналдын редактору болчу.

Бул окуя боюнча Бангладештеги коомдук ишмерлерге кол салып жүргөн радикал-исламчылар шектелүүдө. Акыркы айларда Бангладеште атеисттик көз караштагы блогерлер көп өлтүрүлүүдө. Жакында эле Бангладештин борбору Даккада атеисттик көз караштагы Низамиддин Самад кескиленип өлтүрүлгөн. Анын өлүмүнө жоопкерчиликти "ал-Каиданын" жергиликтүү бөлүмү алган.

Азаттык Фейсбукта

пикирлерди көрсөт

XS
SM
MD
LG