Билим берүү жана илим министрлиги мектеп окуучулар арасында көчмөн элдеринин маданий мурастары боюнча республикалык дил баяндар сынагын жарыялады. Сынак Дүйнөлүк көчмөндөр оюндарынын алкагында 25-апрелден 15-июнга чейин уланып, жыйынтыгы чыгарылат.
Жеңүүчүлөр баалуу белектер менен сыйланат. Ага 6-10-класттардын окуучулары катыша алат. Муну менен окуучуларды көчмөндөрдүн маданияты, каада-салты, нарк-насили менен тааныштырып, аларга Кыргызстандын тарыхый жана маданий баалуулуктары тууралуу кеңири маалымат берүү максат кылынууда.
Бүткүл дүйнөлүк көчмөндөр оюндары быйыл 3-8-сентябрда Ысык-Көл облусунда өтөт. (NT)
