Армения президенти Серж Саргсян борбор калаадагы жарылуудан кийин коопсуздук чараларын күчөтүүнү буюрду. Кечээ кечинде Ереванда автобус жарылып, кеминде эки адамдын өмүрү кыйылды жана 7 адам жараат алды.
Армян полициясынын башчысы Владимир Гаспарян журналисттер менен жолугушууда автобустун ичинде бомба болгон деген версияны айтканын жергиликтүү маалымат каражаттары билдирди.
Азырынча бул кол салуу үчүн жоопкерчиликти эч ким өзүнө ала элек.(RK)
