Сузак районунун Алмалуу айылында жер көчүп, алдын ала маалыматтарга караганда бир адамды басып калды. Өзгөчө кырдаалдар министрлиги кырсык болгон жерге куткаруу тобу жөнөп кеткенин билдирди. Көчкү астында мектеп окуучусу калганы айтылууда.
Жергиликтүүлөр дагы эки адамдын абалы оор экенин "Азаттык" радиосунун кабарчысына айтышкан.
24-апрелге караган түнү Алмалуу-Булак айылынын Үч-Чат аймагында болжол менен көлөмү 1 миллион куб метр жер көчкү жүргөн эле. Бир сарай бузулуп, эки чабандын үйүндө кооптуу абал түзүлгөн.
Өзгөчө кырдаалдар министрлиги 15-апрелден тарта жер көчкү коркунучу сакталган аймактарды атап, коркунучту элге маалымдап келет. (RsK\SE)
