Дүйнөлүк басма сөз эркиндигинин күнүнө байланыштуу Бишкекте журналисттердин тилектештик акциясы өтөт. Анда Айни жана Бакаев көчөлөрүнүн кесилишиндеги журналисттер аллеясына 100 түп көчөт отургузулат. Ошондой эле журналисттер союзун жаңылоо багытында пикир алмашуу болмокчу. Бул тууралуу “Жаш журналисттер” кыймылынын өкүлү Рахат Саламатова “Азаттыкка” билдирди.
Буга чейин эл аралык “Чек арасыз кабарчылар” уюмунун 2015-жылдагы сөз эркиндиги боюнча иликтөөсүндө Кыргызстан 180 мамлекеттин ичинен 85-орунду ээлеп, мурдагы көрсөтүчтөн үч тепкичке жогорулаган. (NT)
