Бүгүн Бишкекте боло турган форумду Сөз эркиндигин коргоо комитети, Улуттук кызыкчылыктар тобу, Коомдук саясат институту, “Кылым шамы”, “Бир дүйнө” укук коргоо уюмдары биргеликте уюштурууда. Анда Кыргызстандагы сөз эркиндигинин азыркы абалы, жарандардын укуктары, сот адилеттигине байланышкан маселелер талкууга алынат. Соңунда “Атамбаевдин бийлигинин саясий жана социалдык-экономикалык саясатынын болочогу” деп аталган резолюция кабыл алынат.
Өткөн айда бир катар журналисттер Сөз эркиндигин коргоо комитетин түзүшкөн. Муну акыркы кезде бийлик маалымат каражаттарына үстөмдүк кыла баштаганы менен түшүндүрүшүп, телеканалдар ачык, толук маалымат бере албай калганы, Ак үйдүн буйругу менен гана иштөөгө каршы туруу керектиги айтылган. (NT)
